Unang araw ng Face-to-Face classes, umarangkada na sa Davao Region

Walong mga paaralan ang pinayagan ng Department of Education (DepEd) 11 na makapagsagawa ng in-person classes dito sa rehiyon. 

Kabilang sa nagbukas ng Face to Face classes ay ang Clib Primary School sa bayan ng Hagonoy; Nodilla at Tacub Elementary School sa bayan ng Kiblawan na pawang nasa Davao del Sur.

Sa Davao de Oro naman, ang Bares Elementary School sa New Bataan; Parasan Integrated School ng Pantukan,  Lower Panansalan Elementary School, Maugat Elementary School; at Digaynon Integrated School ng Compostela. 

Sa kabuuan, mayrong 100 public schools sa bansa ang pinahintulutang makapagsagawa ng pilot implementation ng limited face-to-face classes.

Tatagal lamang ng dalawang buwan ang Face-to-Face classes na magtatapos hanggang sa Enero a-kinse.

Makikita sa larawan kung gaano kahanda ang Clib Primary School sa unang araw ng Face-to-Face classes. Mayroon itong 22 mag-aaral mula Grade 1 hanggang Grade 2, subalit pito munang estudyante ang pinayagang makapasok ngayong araw.