Patay ang 12-anyos nga batang lalaki human giingong natumbahan og punoan sa Ipil-Ipil sa Sitio Kawayan, Lower B, Barangay Tamugan, Marilog District, Davao City, niadtong Hunyo 13, 2026.
Nasayran sa report sa Davao City Police Office, nakadawat og tawag ang Marilog Police Station alas 12:20 sa hapon sa maong adlaw gikan sa Barangay Tamugan Disaster Risk Reduction and Management Council labot sa pagkatumba sa kahoy hinungdan sa pakamatay sa biktima.
Nakuha na ang biktima sa ilawom sa kahoy sa mga sakop sa BDRRMC- Tamugan pag-abot sa mga pulis.
Saysay sa iyaan sa biktima, ayha pa ang insidente, ang biktima kuyog ang igsuon atua sa usa ka purok duol sa ilang balay sa dihang kalit natumba ang dakong punoan sa Ipil-Ipil tungod sa way puas nga ulan dala ang kusog nga hapak sa hangin.
On the spot namatay ang biktima tungod sa naangkon niining samad
📷 DCPO
Facebook Conversations