Hulog na's kamot sa mga otoridad ang giilang High Value Individual (HVI) nga miyembro sa Bureau of Jail Management and Penology (BJMP) kauban ang lain pang upat ka indibidwal atol sa buy bust operation, alas 4 pasado Miyerkules sa kadlawon, Oktubre 1, 2025 sa Purok 2, Barangay Communal, Davao City.
Basi sa report sa Davao City Police Office Nailhan ang BJMP personnel nga si alyas "Amo," 29-anyos. Kauban nga nadakpan mao sila alyas Ibonie, 31-anyos; alyas "Bienvenido," 33-anyos; alyas "Ariel," 34-anyos; ug alyas "Carlo", 23-anyos nga pulos mga craftsman.
Nadakpan si alyas Amo nga maoy target sa operasyon human napalitan og usa ka sachet sa gituohang shabu bugti sa marked money.
Dugang shabu nakuha sa dinakpan balor tanan sa P36, 600. Samtang nakuhaan sab ug P60,000 kantidad sa marijuana.
Kasong pagpalapas sa Republic Act 9165 kon Comprehensive Anti-Dangerous Drugs Act ang atubangon sa upat.
📷 DCPO PIO
Facebook Conversations