Gi-turnover sa Barangay Tanod sa Barangay 8-A, Davao City nga si alyas "Arnel", 48 anyos ngadto sa kapulisan ang nakita niining bag nga gibiyaan sa kalsada nga dunay sud nga usa ka brick sa gituohang marijuana.
Atol sa paghiling sa bag, duna kini sulod nga timbangan, 7 pieces transparent plastic sachet, ug usa ka brick nga naka-wrap nga gituhuang dahon sa marijuana.
Subay sa report sa Davao City Police Office, alas 5:30 sa buntag, Setyembre 28 nadiskubrehan sa barangay tanod ang marijuana sa Purok 7, Bypass Road, Barangay 8-A, Davao City.
Mubalor sa P1,278,720 ang pinaugang marijuana nga anaa karon sa Davao City Forensic Unit alang sa laboratory examination.
📷PIO DCPO
Facebook Conversations