JEWELRY STORE SUD SA GAISANO GRAND CITY GATE, GISULOD UG TULISAN; MGA ALAHAS LIMAS
Gisulod sa upat ka lalaki, usa niini armado ang Precious Asher Trading Corp. Jewelry Store nahimutang sud sa Gaisano Grand City Gate Mall, corner Tigatto ug Cabantian Road, Brgy. Buhangin, Davao City alas 12 Sabado sa udto, Abril 11, 2026.
Sa pagsulod sa mga suspek sa establisemento, nideklara kini ug hold-up sa tulo ka mga empleyado nga sila alyas Rey, 41, appraiser, residente sa Tigatto Road, Buhangin; Christleen, 34, account executive, taga Juliville, Buhangin, Davao City; ug alyas Lory, 37, account executive, molopyo sa Tigatto Road, Buhangin.
Subay sa report sa Davao City Police Office, minuto ra sa dihang gilimas sa mga tulisan ang jewelry shop ayha nanggawas sakay sa duha ka motorsiklo.
Gilusad na ang hot pursuit operations batok sa mga suspetsado.
Giawhag sa DCPO ang mga saksi sa insidente nga makig-alayon sa kapulisan alang sa kasulbaran sa kaso.
📸 DCPO
Facebook Conversations