Gidayeg ni Lieutenant General Andres Centino, hepe sa armadong kusog sa Pilipinas ang mga Army reservists sa ilang dakong tabang karong panahon sa pandemya.
Sumala pa ni Centino, samtang busy ang mga sundalo sa pakigbatok sa armadong grupo, dakong tabang ang mga army reservists sa paghatod ug humanitarian aid sa mga katawhan karong pandemya.
Gihimo sa opisyal ang pahayag human gidawat sa Army Reserve Command 1502nd Community Defense Center (CDC) sa Agusan del Sur ang Caraga Region Most Outstanding COVID-19 Volunteer Organization Award.
Ang pasidungog gihatag sa National Economic Development Authority (NEDA) Region 13 ug Philippine National Volunteer Service Coordinating Agency.
Ang grupo, gilangkuban sa mga doktor, magtutudlo ug uban propesyonal nga boluntaryong nialagad sa ilang komunidad aron magaan-gaanan ang pisikal ug psychological effects sa COVID-19 pandemic sa katawhan.
Hulagway: Philippine Army FB Page
Facebook Conversations