Patay ang political vlogger nga si Mima Alicia sa dihang gipusil sa riding-in-tandem sa Brgy. 171, Caloocan City karong Biyernes, Hulyo 17, 2026.
Ang biktima, dead on the spot human nakahiagom ug igo sa bala sa ulo ug lawas. Samdan sab ang iyang live-in partner.
Subay sa imbestigasyon, alas 3 sa kadlawon sa dihang gipusil ang duha atol sa pagparada niini sa ilang sakyanan atubangan sa giarkilahang balay.
Nikanaug ang lalaki aron abrihan ang gate sa dihang kalit nisulpot ang riding-in-tandem ug gipamusil.
Suma sa tag-iya sa balay, bag-o ra nibalhin ang mga biktima.
Giimbestigahan pa ang insidente, lakip sab ang pag-ila sa mga suspek ug ang motibo sa krimen.
Kalakip sa giimbestigahan ang posibilidad nga dunay kalambigitan sa negosyong buy-and-sell o sa iyang pagka-political vlogger.
Facebook Conversations