Muabot sa 353 ka mga residente sa Mati City sa Davao Oriental ang nakadawat og ayuda nga P5,000 matag usa gikan sa buhatan ni Senator Christopher “Bong” Go.
Ang seremonya gipahigayon niadtong Miyerkoles (Nobyembre 10) sa Mati Cultural Center sa maong syudad.
Mipadayag sa iyang dakong pasalamat si Rabat kang Senator Bong Go gumikan kay wala gayud makalimtan sa senador ang mga Matinians.
Sumala usab ni Ken Belmonte, gitahasan ang tanan ahensya sa gobyerno na sila na mismo ang mudoul sa mga tao.
Sa mensahe nga gipadayag sa senador, nanghinaot kini nga suportahan ang pagpakusog sa pagbakuna aron mahilayo ang tanan sa COVID--19 ug aron makabalik na kita sa normal.
Awhag sab niini sa mga wala pa mabakunahan nga magpabakuna na aron makab-ot na sa tanan ang gipangandoy nga herd immunity.
Ang mga benepisyaryo naggikan sa mga sektor sa fish vendors, kinhason vendors, laborers ug construction workers.
Kahinumduman, Oktubre 12, 532 usab ka mga Matinians ang nakadawat og samang kantidad nga ayuda gikan gihapon sa opisina ni Go og sa lokal nga kagamhanan sa Mati.
Nahimong recipient niini ang mga mangingisda, mag-uuma, informal settlers, mga barbero, ug uban pang naapektuhan sa nagpadayong pandemya sa COVID-19 nga wala pa makadawat og ayuda gikan sa gobyerno. (BY RUTH PALO)
Hulagway gikan sa Mati City CIO
Facebook Conversations