Padayong gipangita sa kapulisan ang usa ka Alfred Matute alias Doydoy nga niiskapo sa detention facility sa Davao City Police Office Huwebes sa kadlawon, Pebrero 5, 2026.
Si Matute dunay kasong paglapas sa Republic Act 9165 o Dangerous Drugs Act of 2002.
Giawhag sa otoridad ang publiko nga kung dunay makakita kay Matute Gilayong ireport sa pinakaduol nga police station.
Tungod sa insidente, unom ka pulis ang gi-relieved sa pwesto lakip dinhi ang tulo ka jail guards nga on-duty sa dihang nahitabo ang insidente.
Tungod sa panghitabo, gikuhaan ug mga prebilihiyo ang nabiling mga detainees sanglit pakyas kini nga maka-report sa insidente. Gibawal na ang dalaw kanila.
45 priso ang kasamtangan naka- detain sa DCPO detention facility nga halos mga high-value individuals.
Facebook Conversations