Gibana-banaang mukantidad sa P2.160 milyon ang kantidad sa gituhuang shabu ang naksakmit sa usa ka Juner de Asis Biajedor alyas “Jack”, residente sa Pag-Asa,Bankerohan sa gilusad nga buy-bust operation sa mga kapulisan sa Bangkal ning syudad sa Davao, Miyerkules (Mayo 4).
Sumala pa ni Major Rosario Aguilar, hepe sa kapulisan sa Ecoland Police Station, nadakpan ang suspek sa hiniusang pwersa sa Kapulisan ug Regional Special Operation Group-Regional Provincial Drug Enforcement Unit 11 (RSOG-RPDEU) human masakpi sa akto nga nagbaligya ug ilegal nga droga sa nagpakaron-ingnong poseur buyer.
Matod pa ni Aguilar, nakuha gikan sa suspek ang duha ka dagkong pakete sa shabu nga dunay gibug-aton nga nga 135 gramos ug marked money.
Anaa na sa kustodiya sa kapulisan ang suspek samtang gihikay na ang kasong ipasaka batok kaniya.
Ang pagkasikop sa suspek resulta sa padayong kampanya sa kapulisan batok sa ilegal nga droga.
Hulagway gikan sa PCAD Davao Region
Facebook Conversations