Wala nay kinabuhi nga nakaplagan ang usa ka fish vendor sa Purok 5, Tablizo St. Brgy. Mati, Digos City, Davao del Sur, alas nuebe pasado adlawng Sabado (Mayo 21).
Giila sa kapulisan sa Digos ang biktima nga si Benito Bazar Tagwalan Jr. nga mas naila nga si Al - Al, 35-anyos, ug residente sa Purok Durian Brgy. Tacul, Magsaysay, Davao Del Sur.
Nasayran nga ang biktima dunay samad sa ulo ug sa ubos nga bahin sa likod sa lawas.
Nakuha gikan sa crime scene ang usa ka Fired Cartridges Case ug motorsiklo.
Nakuha usab ang P10,300 kantidad sa kuwarta.
Padayong gisuta sa kapulisan ang motibo sa pagpatay sa fish vendor.
Facebook Conversations