Ang maong programa ilawom sa Public Utility Vehicle Modernization Program (PUVMP) sa LTFRB.
Gihimo ang makasaysayanong aktibidad sa mismong Ground Zero sa Islamic City sa Marawi City kon diin ang mga opisyales gikan sa DOTr-LTFRB, MOTC-BARMM, provincial, city governments, nanguna sa inagurasyon sa unang biyahe sa Inter-Regional nga rota.
Ang mga katawhan sa Marawi City, BARMM ug mga silingang lungsod makapahimulos na sa moderno, luwas ug komportable nga pampublikong transportasyon.
Gitawag kini nga “Friendship Routes", nga nahimong malampuson human sa kapin duha ka tuig nga pagtuki sa maong proyekto. Gilantaw nga dakong tabang kini aron mapakusgan pa ang turismo ug kalambuan sa BARMM.
Nasayran nga ang pasahe gibana-banaang anaa sa P797 hangtod P948. Muabot sa 431 kilometers nga dunay bus speed nga 80 Kilometer Per Hour ang daganon sa biyahe.
Ang rota, Davao-Maramag-Talakag-CDO-Iligan-Marawi City.
Ang PUVMP, usa sa flagship nationwide non-infrastructure project sa Duterte Administration sa tumong nga ma-modernize ang sistema sa pampublikong transportasyon sa nasod. (PIA XI/ETIsidro)
Hulagway:PIA
Facebook Conversations