Miresulta sa pagkabungkag sa drug den ang gilusad nga buy-bust operation sa mga ginsakpan sa Philippine Drug Enforcement Agency (PDEA) ug National Bureau of Investigation (NBI) sa Purok 4, Sitio Basak, Mintal ning syudad sa Davao, alas 11 sa buntag adlawng Biyernes (Marso 4).
Sa maong operasyon, dakpan ang upat ka mga indibidwal lakip na ang maintainer sa maong drug den.
Giila sa PDEA ang mga dinakpan nga sila Marlou Tano alyas Loy, 39-anyos ug residente sa nahisgutang barangay. Si Tano ang punterya sa maong operasyon.
Sikop usab ang mga bisita sa drug den nga nadakpang aktong naghimo ug shabu session nga nailhang sila Milfa Top, Rolando Tuquib, ug Harris Umeres.
Nakuha sa mga suspek ang kinatibuk-ang onse gramos nga shabu nga mubalor sa P165,000, assorted drug paraphernalia, buy-bust money, ug boodle money.
Mag-atubang ang mga suspek kinsa tingkagol sa prisuhan ug kasong pagsupak sa Republic Act 9165 o ang Comprehensive Dangerous Drugs Act of 2002.
Hulagway: PDEA
Facebook Conversations