Atol sa pinaka-unang regular session sa 20th City Council Martes sa buntag (Hulyo 5), gihimo sa konseho ang ilang pagboto sa chairmanship, vice chairmanship, ug members sa 37 ka mga nagkadaiyang komitiba sa konseho.
Sa 37 ka mga komitiba, tulo ang bag-o nga gilangkuban sa Future Generation, Disaster Risk Reduction and Management, ug anti-terrorism, apan bisan usa walay gihatag kang Abellera, bisan ug miyembro sa usa ka komite.
Sa pakighinabi sa News Fort kang Abellera, aminado kini nga na-shock ug nasakitan siya sa nahitabo.
“Na-shock ko. Unang-una, wala koy nahibaw-an nga kaaway, wala mi politikal nga kalaban since 1986. But kung naay nagakalaban nako, wala ko kabalo. As to the question if na hurt ko? I will be hypocrite if dili ko mosulti nga wala ko nasakitan. Of course na-hurt ko, wala ko magdahum nga ing-ana ang buhaton sa akua. Kung kinsa man ang nagdecision di pod ko katudlo,” ang tipik sa reaksyon ni Abellera.
Dugang sa konsehal, “If that is the decision of a one man, I do not know, if that is the decision of one family, I do not know, or if that is the decision of some indivudual, I do not know really,” matod ni Abellera.
Dugang sa konsehal, kung duna man kunoy nahiubos kaniya, dapat makaangayon lang sanglit siya usab ang gipili ug giboto sa katawhan sa unang distrito.
“Fair lang gud, mahatagan lang mi wala man mi angal, hatagan mi’g bisan unsa sige lang, dawat lang kay majority man na. Ang dili paghatag dili naman na unfair kon dili pagtamak,” dugang sugilon sa konsehal.
Bisan pa man sa nahitabo, nanganti si Abellera kinsa usa sa mga comebacking sa city council nga magpadayon kini sa pag-alagad sa katawhan ug himoon niya ang iyang kayang buhaton alang-alang sa public service.
Inay malusno, matod pa sa opisyal mas labi kining madasig nga maningkamot, magtrabaho para serbisyuhan ang publiko.
“Na-encourage ko to work harder,” sumala pa sa konsehal.
Gipasalig sa opisyal nga magpadayon ug dili mausab ang iyang pagsalig ug pagsuporta sa kasamtangang liderato ni Mayor Sebastian Duterte ug sa uban pang opisyal sa lokal nga panggamhanan.
Saysay sa opisyal, “Dili ko kalaban sa administrasyon sa local. Di nako ginakalaban si Mayor Baste, si vice-mayor Quitain, mga kongresista..Dili ko nila kalaban. If they treated me nga kalaban, dili na nako problem..basta ako wala nako sila gikalaban.”
Facebook Conversations