Tingkagol sa prisuhan ang usa ka 47-anyos human nadakpan sa kapulisan atol sa buy-bust operation Sabado sa buntag (Marso 26) diin nakuha gikan kaniya ang dul-an usa ka milyon ka pesos nga kantidad sa shabu.
Giila ang dinakpan nga si ARNULFO FERRAREN SEFUENTES alyas TATA, residente sa Fatima Village, Bajada, Brgy. 19-B, Davao City.
Nadakpan si Sefuentes sa joint drug buy-bust operation sa Regional Special Operations Group 11, Sta. Ana Police Station, Regional Mobile Force Battalion 11, ug City Special Operations Group sa R. Castillo St., Brgy. Lapu-Lapu, Agdao, Davao City, 12:08 sa sayong kabuntagon.
Ang suspek gikonsiderang Number No. 4 Drug Personality – Regional Level.
Nakuha gikan kaniya ang 57 gramos nga shabu nga gibana-banaang mukantidad sa P912,000.
Kasong pagsupak sa Republic Act 9165 ang atubangon sa dinakpan nga nakakulong karon sa Sta. Ana police station.
Hulagway: Davao City Police Office
Facebook Conversations