Nagbahad si Department of Social Welfare and Development (DSWD) Secretary Erwin Tulfo nga iyang ipapriso si kinsa mang indibidwal nga gadawat ug prenda sa 4Ps cash card.
Gihimo sa kalihim ang bahad human nakaabot sa iyang opisina nga ginaprenda sa mga 4Ps beneficiaries ang ilang cash cards.
Sumala pa ni Tulfo, hugot nga gidili sa balaod ang pagprenda ug pagdawat ug prenda sa cash card ug duna kini dakong silot.
Dili lamang kuno mga benepisyaryo ang patubagon ni Tulfo apan lakip na ang kadtong giprendahan.
Subay sa nadawat nga impormasyon sa kalihim, muabot na hangtod 40 porsyento ang ginapatong nga tubo sa nakaprenda nga cash card, busa gamay na lamang ang makuha sa mga benepisyaryo matag cash out.
Una nang gibutyag ni Tulfo, muabot sa halos usa ka milyon nga mga benepisyaryo ang ilang tanggalon sa listahan tungod sa mga paglapas sa kondisyon nga gipatuman sa DSWD.
Facebook Conversations