Subli na usab nga gitay-og ug kusog nga linog ang Manay,Davao Oriental alas 5:57 sa buntag, Huwebes (Abril 21).
Sa tahu sa Philippine Volcanology and Seismology (PHIVOLS), natala ang magnitude 6.1 sa bahin sa kadagatan sa gilay-ong 78 kilometro sa sidlakamg bahin sa Manay.
Duna kini gilawmon nga 21 kilometro ang tinubdan sa linog ug tectonic ang hinungdan.
Nasinatian ang intensity 4 sa Manay ,Davao Oriental, intensity 2 sa General Santos City, ug Tampakan, South Cotabato.
Ang Davao City ingon man Bislig City, Kidapawan City, ug General Santos City nakasinati sa intensity 2.
Pipila ka minutos ayha ang pagtay-og, nasundan kini sa aftershocks nga dunay gikusgon nga magnitude 4.4 alas 6:03 sa buntag ug magnitude 4.1 bandang alas 6:14.
Una nang gilinog sa magnitude 6.2 ang Manay niadtong Martes, Abril 19.
Facebook Conversations