Si Angeles gipusil Miyerkoles sa buntag (Enero 12)sa duha ka mga suspek nga naka-motorsiklo samtang kini nagpaayo sa iyang sakyanan sa usa ka talyer sa Barangay New Carmen, Tacurong City.
Usa matod pa ang nagmaneho sa motorsiklo samtang ang usa maoy mibugha sa biktima.
Nasayran sa pakighinabi sa Bandera News TV Cotabato kang Tacurong City Chief of Police Lieutenant Colonel Joan Maganto nga isa sa motibo nga ilang gi-imbestigahan mao ang posibleng may kalabutan sa iyang trabaho isip komentarista sa radyo, ika-duha mao ang posibilidad nga politika sanglit ang biktima mikandidato pagka-konsehal sa Lambayong, Sultan Kudarat Province, samtang ang ika-tulo mao ang kalambigitan sa personal.
Ayha gipatay si Angeles, duha matod pa kini ka higayon nga nagpa-blotter sa presinto sa kapulisan bahin sa mga nadawat niini nga pagpanghulga.
Sa pagkakaron, gihuptan na sa kapulisan ang footages nga kuha sa closed-circuit television camera (CCTV) nga makatabang sa imbestigasyon.
Gimugna na ang Special Investigation Task Group sa PNP alang sa paspas nga kasulbaran sa kaso.
Gihangyo ni Maganto ang kooperasyon sa publiko nga kung si kinsa man ang nakakita sa krimen muhatag kini ug impormasyon sa mga awtoridad.
Facebook Conversations