Angol ang usa ka 55-anyos nga mag-uuma human giingong nabuthan ug wa pa matinong eksplosibo alas 3 sa hapon, Marso 21 sa Purok 8, Barangay Paloc, Maragusan, Davao De Oro.
Giila ang biktima nga si Antonio Legaspe Felisilda, residente sa nasampit nga barangay.
Inisyal nga imbestigasyon sa kapulisan migawas nga samtang nagkalot aron mananom ug luy-a ang biktima gamit ang bara, naigo niini ang usa ka gahi nga butang nga kalit mibuto.
Gilayong gisapupo ang biktima sa Davao de Oro Provincial Hospital sa Maragusan human nakahiagom ug samad.
Dugang katin-awan sa insidente gihimo sa Davao de Oro Explosives and Ordnance Disposal Team.
Hulagway: PRO 11
Facebook Conversations