Gipaamping sa Bureau of Fisheries and Aquatic Resources (BFAR) ang katawhan sa pagkuha ug pagkaon sa mga shellfish ug alamang gikan sa mga lugar nga apektado sa red tide toxin.
Sa gipagawas nga latest shellfish bulletin sa BFAR, nakataas ang red tide warning sa lima ka mga baybay sa nasod.
Sakop sa shellfish ban ang coastal waters sa Milagros sa Masbate; coastal waters sa Dauis ug Tagbilaran City sa Bohol; Dumanquillas Bay sa Zamboanga del Sur; Litalit Bay, San Benito sa Surigao del Norte; ug Lianga Bay sa Surigao del Sur.
Pahinumdum sa BFAR, luwas hinuon kaunon ang mga nakuhang isda, pasayan, alimango ug nukos basta lab-as, nahugasan ug tarong,ug natanggalan ug mga lamang loob ayha pa lutuon.
Facebook Conversations