Sumala pa ni Police Captain Antonio Per Jr. , acting station commander sa Naga Police Station nga nakadawat sila ug report, alas 10:20 sa buntag nga ang kongresista, 53 anyos, byudo, ug residente sa Pomelo St. Saint Jude Orchard, Con. Grande, Naga City giingong nag-suicide.
Base sa police report, nakadungog ug buto sa armas ang personal assistant sa kongresista nga si John Mark Patrick Señar y Delima.
Nakaplagan ni Señar ang iyang amo sulod sa kuwarto niini nga nabulagta ug nakita ang samad pinusilan sa tuong bahin sa iyang ulo.
Midagan si Andaya pagka-gobernador niadtong Mayo 9,2022 apan subling napildi ni Luigi Villafuerte, kamanghurang anak sa kanhi gobernador nga karon Kongresista Luis Raymond “Lray” Villafuerte.
Si Andaya nga usa ka abogado, nahimong representante sa unang distrito sa Camarines Sur gikan 1998 hangtod 2006 ug 2010 hangtod 2019.
Nahimo kini nga chairman sa gamhanang committee on appropriation sa Kongreso.
Nagsilbi usab kini nga ika-32nd majority floor leader sa House of Representatives ug ika-siyam nga secretary of budget and management (DBM).
Gikan 2006 hangtod 2010, nagsilbi usab si Andaya isip kalihim sa DBM ilawom sa administrasyong Arroyo.
Facebook Conversations