Subay sa tahu sa PDEA 11, giila ang suspek nga si Krist Mark Maglines alyas Mac-Mac, 37-anyos, ulitawo, ug residente sa Barangay Central sa maong syudad.
Atol sa operasyon, nakuha gikan kaniya ang kinatibuk-ang tulo ka gramos sa gituhuang shabu nga mubalor sa P45,000.
Nakuha usab sa iyang possession ang uban pang drug paraphernalia, buy-bust marked money ug motorsiklo nga gigamit niini sa illegal drug transaction.
Mag -atubang si Maglines ug kasong pagsupak sa Section 5 (Sale of Dangerous Drugs), Section 11 (Possession of Dangerous Drugs), ug Section 12 (Possession of Drug Paraphernalia), Article II sa Republic Act 9165 or The Comprehensive Dangerous Drugs Act of 2002.
Kung mapamatud-ang sad-an, mawad-an na kini ug kahigayunan nga makatrabaho pa sa gobyerno subay sa nakalatid sa Article II, Section 28 (Criminal Liability of Government Officials and Employees) sa Republic Act 9165.
Hulagway gikan sa PDEA 11
Facebook Conversations