Pito ka indibidwal nga gikatahapang tigpayuhot ug tiggamit ug iligal nga droga ang nadakpan sa kapulisan atol sa gilusad nga buy-bust operation Sabado sa hapon (Enero 8) sa Aurora Extension, Barangay San Miguel, Digos City, Davao del Sur.
Subay sa tahu sa Digos City Police, giila ang mga dinakpan pinaagi sa ilang mga aliases nga sila Pads, 41 anyos, welder; Arman,37 anyos, mananagat; alias Baloy,27, ug usa ka pintor; Johnny, 55; Alias Gorilla, 40;alias Epin,55, ug lain pang usa ka lalaki.
Si alias Pads, gikonsiderang regional top number 5 isip high- value individual.
Dungan sa pagkasikop sa pito, malampuson usab nga nabungkag sa mga operating teams ang balay nga gigamit isip drug-den sa mga dinakpan.
Giandam na ang kasong atubangon sa pito ka mga dinakpan.
Nakuha gikan sa possession sa mga dinakpan ang ubay-ubayng pakete sa gituhuang shabu, isa ka unit sa caliber 45 pistol, mga bala, caliber 38, ug mga drug paraphernalia.
Hulagway: Digos PNP
Facebook Conversations