Wala na makasibat pa sa kamot sa kapulisan ang alegasyong drayber sa Department of Public Works and Highways (DPWH) ug higala niini sa gilusad nga drug buy-bust operation Miyerkules sa gabii sa Phase 2B, Barangay Catalunan Grande ning syudad sa Davao.
Giila sa Davao City Police Office (DCPO) ang mga suspek nga sila Jimson Richa Abarquez, 38-anyos, driver sa DPWH ug residente sa Upper Lacson San Miguel, Barangay Gumalang, Baguio District ug Emmanuel Toquero Grancho, 48, driver, ug lumulopyo sa Barangay Tuganay, Carmen, Davao del Norte.
Nasubay nga ang duha ka suspek gikonsiderang mga High-value individuals ug Top 5 Regional Level drug personalities.
Nakuha sa operating team nga gilangkuban sa Special Operations Group, City Drug Enforcement Unit ug City Intelligence Unit gikan sa dinakpan ang gibana-banaang 57.5 gramos sa gituhuang shabu nga mubalor sa P900,000.
Tingkagol sa prisuhan ang mga suspek samtang gihikay na ang kasong atubangon sa duha.
Hulagwag gikan sa DCPO
Facebook Conversations