Gimando na sa direktor sa kapulisan sa Caraga Region Police Brigadier General Romeo Caramat Jr. ang paglusad ug organisadong search operation sa mga armadong suspek nga nisulod sa balay ni Vice Mayor Rolmar Falcon Basalan sa San Miguel, Surigao del Sur.
Nakuha sa mga suspetsado ang usa kaLibre 45 nga armas ug airsoft gun nga gipanag-iyahan sa bise-alkalde.
Subay sa migawas sa imbestigasyon, ayha pa nihawa sa lugar ang mga suspek mga gituhuang mga rebeldeng New People’s Army (NPA) nagbilin pa kini ug Improvised Explosive Device (IED) ug nagbarikada pa kini sa Brgy Siagao San Miguel
Ang nahisgutang IEDs napalgan sa mga mirespondeng mga pulis sa Surigao del Sur Police Provincial Office ug luwas nga nakuha.
Gibutyag ni Basalan nga una pa nahitabo ang insidente, gitawgan pa siya sa mga suspek kinsa nangayo ug salapi apan iyang gibalibaran.
Hugot gikondena sa police regional office 13 ang binuhatan sa NPA dungan sa pag-awhag sa publiko nga magpabiling kalmado apan magmabinantayanon.
Facebook Conversations