Nadakpan sa hiniusang pwersa sa Joint Task Force Sulu ug Philippine National Police (PNP) ang sumala pa ika-duhang asawa ni Abu Sayyaf bomb-maker Mundi Sawadjaan sa Barangay Tulay, Jolo, Sulu niining Sabado.
Giila ni Joint Task Force – Sulu Commander Brigadier General Ignatius N Patrimonio ang suspek nga si Nursitta Mahalli Malud alyas Kirsita Ismael, 34-anyos nga gituhuang bomber.
Subay sa imbestigasyon, ang dinakpan mao matod ang naggunit sa salapi sa grupo ni Sawadjaan ug responsable sa pagpalit ug mga sangkap sa paghimo ug Improvised explosive device (IED).
Gidakop ang suspek human gisilbi sa mga awtoridad ang search warrant para sa paglapas sa Republic Act 9516 o illegal possession of explosives.
Nakuha sa iyang posesyon ang usa ka bomba ug mga sangkap sa paghimo ug bomba.
Gibutyag ni Patrimonio, ila karon gitutukan ang liderato sa local terrorist group aron mapugngan ang unsa mang planong pagpamomba sa mga nahisgutan.
Hulagway: Joint Task Force Sulu
Facebook Conversations