Sumala pa kang Philippine Army Spokesperson Colnel Xerxes Trinidad, 78 estudyante ug 22 adults, kalakip na ang usa ka sundalo, ug Girls Scout Executive Helen Hajan, ang nakasinati sa pagkahilo, sakit sa kuto-kuto ug pagkalipong human nikaon sa mga giandam nga pagkaon niining Sabado.
Gilayong gidala ang mga biktima sa Sanitarium Hospital, Integrated Provincial Health Office, ug Camp Bautista Station Hospital aron matambalan.
Sa pagkakaron, 88 pasyente ang na-discharge na ug nakauli na sa ilang pamilya, samtang 12 estudyante nga anaa sa Sanitarium Hospital ang lauman nga makauli sab ning adlawa.
Nagpadala na matod pa ug mga food samples sa Integrated Provincial Health Office aron susihon.
Matod pa ni Trinidad, ang 8th Field Artillery Battalion (8FAB), Army Artillery Regiment, sa Philippine Army ang nagsilbi sa “ginataan” sa mga nitambong sa aktibidad.
Facebook Conversations