4 ka balay, ugdaw sa sunog sa Malalag, Davao del Sur

Paspas nga narespundihan sa kabumberuhan ang maong insidente alas onse kaganihang buntag  human ilang nadawat ang tawag gikan sa usa ka concern citizen.

Gawas sa upat ka balay, duna pay duha ka pinuy-anan  ang partially damaged. 

Sa inisyal nga imbestigasyon, depektibong  electrical wire connection nga niresulta sa pagka-overheat ang hinungdan sunog nga nagsugod sa panimalay nga gipanag-iyahan ni Genevive Estoy,

Paspas nga gilamoy sa kalayo ang mga balay sanglit gama lamang kini sa light materials.

Muabot sa P390,000 ang damyos sa sunog.