LOLO, GILUBA-PATAY SA APO NGA GIINGONG MAY PROBLEMA SA PANGISIP
Patay ang usa ka Lolo human dunggaba sa kaugalingong apo, alas 5 pasado Lunes sa kadlawon, Disyembre 1, 2025 sa Purok 11, Sitio Camella, Brgy. 9-A, San Rafael, Davao City.
Nailhan ang biktima nga si alyas Joe samtang ang suspek nga iyang apo mao si alyas Jomar, 27 anyos.
Saysay ni Christine, 21-anyos, manghud sa suspek, nakurat na lamang kini sa dihang nadunggan ang pagsinggit sa apohan nga nangayo'g tabang.
Dugang ni Christine, mikanaug siya aron susihon ang apohan, apan iyang nakita ang maguwang nga si alyas Jomar nga nigawas sa kuwarto sa apohan nga dunay bitbit nga duha ka hinagiban diin usa niini ang nagkadugo.
Gilayong nakapangayo'g tabang si Christine sa mga silingan bisan ug gisundan sa suspek. Paspas nga nakaresponde ang barangay tanod ug mga silingan rason nga napakalma nila ang suspek.
Naaresto ang suspek sa kapulisan samtang ang biktimang senior citizen gideklarang patay sa SPMC.
Nigawas sa imbestigasyon nga pipila ka higayon na nga na-confine sa mental hospital ang suspek tungod sa deperensya sa pangisip.
๐ท DCPO
Facebook Conversations