Nadakpan sa mga sakop sa Criminal Investigation and Detection Group sa Davao Oriental ang miyembro sa Davao City Police Office nga si Alyas Marie, na-assign sa Police Station 18 (Bajada) sa Governor Generoso, Davao Oriental, Sabado sa gabii, Oktubre 17, 2026.
Gawas kang Alyas Marie nga dunay ranggong corporal, sikop sab si Alias Justine, ang giingong aktibong miyembro sa Civilian Armed Auxiliary (CAA) sa 25th Infantry Battalion sa Philippine Army ubos sa 10th Infantry Division nga nagsilbing driver; usa ka menor de edad nga lalaki ug si alyas Ab nagsilbing spotter.
Sumala ni Lt. Colonel Ma. Teresita Gaspan, tigpamaba sa DCPO nga mag-atubang ug administrative case si alyas Marie kinsa priso karon sa Davao Oriental CIDG.
Gipahigayon ang operasyon sa mga personahe sa Davao Oriental Provincial Field Unit (DORPFU) ug Regional Intelligence Unit 11 (RIU-11), ubos sa paggiya sa Police Regional Office 11 (PRO-11), pinaagi sa CIDG RFU 11. BuyMaps
Gawas sa pito ka master case sa sigarilyo, nakuha usab sa mga operatiba ang marked money nga gisagolan og boodle money, upat ka cellphone, duha ka handheld radio, mga identification card, ug tulo ka yawe.
Nasayran sa NewsFort nga dugay nang gipanid-an ang ilegal nga negosyo sa maong pulis.
Facebook Conversations