Walo ka miyembro sa demolition team nga alegasyong nangawat nadakpan sa kapulisan sa Talomo a police Station atol sa demolisyon sa Lastima Compound, Matina Crossing, Barangay 74, Davao City Adlawng Sabado, Marso 6, 2026.
Subay sa report sa Talomo PNP, naaktohan ang walo ka indibidwal nga nanguha ug mga "personal belongings" atol sa demolisyon.
Alas 7:30 Sabado sa buntag, Marso 6 ang Talomo PNP Nihatag ug seguridad atol sa implementasyon sa "Writ of Possession ug special order of demolition" nga giisyu ilawom sa DARAB Case No. XI-1973.
Apan namatikdan sa mga pulis nga pipila ka sakop sa demolition team
Alegasyong nanikpaw ug mga gamit gikan sa mga istraktura nga anaa sa lugar nga maoy punterya sa demolisyon.
Narekober gikan kanila ang mga copper wires, jackets, ug assorted clothing nga nakuha sulod sa ilang mga bags.
Kasong pagpangawat atubangon sa mga suspek.
Facebook Conversations