Gikonsidera sa Department of Health (DOH) nga anaa na sa “moderate risk" sa COVID-19 ang tibuok Pilipinas tungod sa padayong pag-ubos sa kaso sa COVID infection.
Gikan kini sa kanhi "high-risk" classification niadtong unang semana sa Enero, 2022.
Sumala pa ni DOH Undersecretary Rosario Vergeire muabot na lamang karon sa 35.4% ang national positivity-rate gikan sa pag-peak niini sa 46.8% niadtong Enero 18.
Dugang sa opisyal, anaa na usab sa low-risk ang hospital utilization rate ug ICU-Utilization-rate.
Gawas niini, nakunhuran na sab ang hospital admission ug sagad mild-cases ug sa balay na lamang nagpaalim.
Taliwala niini, gipasabot ni Vergeire nga dili dapat makampante ang publiko ug padayunon gihapon ang pagtamod sa minimum health protocols, dungan sa pagbakuna ug pagpaturok ug booster-shot.
Facebook Conversations