Gianunsyo sa lokal nga kagamhanan sa Sta. Cruz, Davao del Sur ang ilang mga inisyatiba aron kamenusan ang epekto sa taas nga presyo sa produktong petrolyo nga apektado sab ang presyo sa mga palaliton.
Mismong si Mayor Nelson "Tata" Sala ang nanguna sa press conference adlawng Huwebes, Abril 16 kauban ang iyang mga department heads ug gipahibalo ang mga lakang nga pagabuhaton sa LGU isip aksyon sa National Energy Emergency.
Suma ni Sala, importanteng mahibaw-an sa mga taga-Sta. Cruz ang mga lakang nga gihimo alang sa paghatag ug ayuda sa mga apektadong sektor partikular sa mga motorista.
Gimanduan Ni Sala ang mga government offices nga kunhuran ang fuel ug electricity consumption gikan sa 10 percent hangtod 20 percent pinaagi sa pagpatuman sa energy conservation protocols and practicesnga dili sab masakripisyo ang paghatod ug serbisyo sa katawhan.
GImugna sab ang Ad Hoc Monitoring and Inspection team nga regular mosusi sa mga local fuel retail stations alang sa presyo ug supply niini. Lakip sab ang pagmonitor sa sa mga negosyanteng posibleng ga- hoarding.
Gi-activate sab ang Local Price Coordinating Council aron protektahan ang mga konsumante batok sa mga mapahimuslanong negosyante.
Sa kasamtangan, gipaspasan na ang pag-apruba ug paggahin ug pondo nga magamit alang sa itunol nga ayuda sa mga kwalipikadong sektor sa munisipyo sa Sta. Cruz.
#stacruzdavaodelsur
Mayor Nelson "Tata" Sala
Facebook Conversations