PINIRISO NGA NIPUGA, DAKPAN
Subling nadakpan sa kapulisan ang takas nga detainee sa detention facility sa Davao City Police Office alas 10 pasado Lunes sa gabii sa Laverna, Buhangin, Davao City.
Nadakpan sa Tracker Team sa Special Operations Group ug City Drug Enforcement Unit sa pag pangulo ni Lt. Colonel Randy Sambalod ang iskapo nga si Alfred Ismael Magallanes Matute alyas Doy-Doy, 35 anyos, ug residente sa sa Deca Homes, Mintal, Davao City. alas 10:45 sa gabii.
Si Doydoy, markado isip top priority illegal drug personality.
Nadakpan si Doydoy samtang naglusad ug follow-up operation ug manhunt operation ang kapulisan aron subling madakpan ang nipugang piniriso pinaagi sab sa sum bong sa "reliable confidential informant" labot sa gikahimutangan niini.
Kaabag sa DCPO sa pagsikop kang Doydoy ang Regional Police Drug Enforcement Unit.
Si Doydoy kinsa nag-atubang ug kaso bahin sa ilegal nga droga niiskapo sa iyang pagkapriso sa custodial facility sa DCPO niadtong kadlawon sa Pebrero 5, 2026 human kini nadakpan niadtong Disyembre 21, 2025.
Tungod sa maong insidente, unom ka pulis ang gi pang-relieved sa pwesto lakip dinhi tulo ka mga jail guards.
📷DCPO
Facebook Conversations