Giangkon sa NBI Region 11 nga nalisdan sila sa pagsulbad sa kasong pagpatay kay Kapitan Dodong Bucol sa Tres de Mayo, Digos City, Davao del Sur.
Suma ni NBI 11 spokesman Agent Elias Leaño atol sa press conference sa Davao Peace and Security Press Corps Miyerkules sa buntag, Enero 7 sa The Royal Mandaya Hotel nga kini tungod kay ang suspek gituhuang sakop ra sa law enforcement unit.
Nagtuo si Leaño nga organisado ug planado ang pagpatay kay Bucol niadtong Nobyembre 25, 2025 sa compound sa mismong pinuy-anan niini sa Tres de Mayo.
Politika ang gilantaw sa NBI nga motibo sa pagpatay kay Bucol.
Suma ni Leaño, ang pagpatay kay Bucol gi-pattern sa mga niaging kaso sa pag-snipe sa usa ka abogado sa Solariega Subd., Davao City ug insidente sab sa "sniping" sa Nabunturan, Davao de Oro.
Lima ka indibidwal ang posibleng kasuhan sa NBI nga may kalambigitan sa pagpatay kay Kapitan Bucol.
NBI 11 Agent Elias Leaño
Facebook Conversations