Sumala pa ni Usop atol sa AFP-PNP Press Corps briefing sa milabayng Miyerkules (Disyembre 15), midaghan na usab ang mga pasahero busa niabot na sa pinakaminus nga 489 bus trips matag adlaw ng gabiyahe sulod sa baynte kuwatro oras. Samtang 600 bus trips matag adlaw ang pinakataas.
Sa wala pa ang pandemya, muabot sa 700 hangtod 800 matag adlaw ang biyahe mga bus.
“Happy ta nga nibalik na ang 24 hours operation sa atong terminal. Nakita gyud nato medyo nag-increase gyud ang kadaghan sa mga pasahero and even bus trips,” sumala pa ni Usop.
Kung daghan tag pasahero daghan atong bus trips, buot pasabot nag-increase pod ang atong income sa terminal, giingon sa opisyal.
Dugang niini kung niabot lang sa P22 milyon ang nahimong kita sa terminal sa kasagsagan sa pandemya sa miaging tuig, karong tuiga niabot na sa P38 million ang kita sa DCOTT gikan sa Enero hangtod Nobyembre niining tuiga.
Gikanayon sa opisyal, padayon gihapong gipatuman ang social distancing sa mga buses ug uban pang standard health protocols.
Samtang sa laing bahin, giklaro ni Usop nga walay gipatumang palisiya ang Land Transportation Franchising and Regulatory Board (LTFRB) nga no vaccination no travel or no drive policy.
Facebook Conversations