Ang bag-ong opisina nga gitawag nga “Opisina sa Katawhan” nahimutang sa unang andana sa kanhiay Tourism office nga maoy unang makit-an sa mga katawhan sa pagsulod sa Executive building sa kapitolyo.
Abri na kini sa publiko human pormal gi-inagurahan sa nilabayng semana.
Unang makita sa pagsulod ang mantra sa bag-ong administrasyon, ang “government works”.
Anaa usab dinhi ang conference room nga magamit alang sa mga importanteng panagtapok o meeting, dunay receiving ug waiting areas.
Pinaagi sa “Opisina sa Katawhan,” gilauman nga mas mapasayun ug mapadali sa mga senior citizens, persons with disabilities, ug uban pa nga gustong mahimamat ang gubernadora aron personal nga mapaabot ang ilang mga katuyoan ug panginahanglan.
Buot pamatud-an sa “opisina sa katawhan” nga ang kasamtangang gobyerno sa probinsya, adunay pagtagad, tinud-anay nga pag-alagad, ug abri ang mga serbisyo nga angay matagamtaman sa mga lumulopyo sa Davao de Oro.
Hulagway gikan sa Ddo PIO
Facebook Conversations