Gitahu sa Department of Health (DOH) nga halos 600 mga ospital sa tibuok kapupud-an ang wala nay na-admit nga pasyente sa COVID-19 sa nakalabayng lima ka adlaw.
Sumala pa kang Health Undersecretary Maria Rosario Vergeire, nanguna
dinhi ang Region-12 nga wala nay na-admit nga nagka-COVID sa 75.4% sa ilang mga ospital.
Nisunod dinhi ang Bangsa-Moro Autonomous Region kundiin 73.1 percent sa mga ospital sa rehiyon wala na usay na-admit nga COVID patients, samtang 65.7% ospital sa Region-10 wala nay COVID -admission.
Samtang gibutyag ni Health Undersecretary Leopoldo Vega nga mao usab ang Treatment Czar nga anaa sa 62 o 39% sa mga ospital sa Metro-Manila zero admission na sa COVID patients sa nakalabayng lima ka adlaw.
Tungod niining katikaran, hinay-hinay na nga nagbawas ug bed allocation alang sa COVID patients ang mga ospital aron usab maserbisyuhan ang mga non-COVID patients nga naipon taliwala niining pandemya.
Facebook Conversations