Subay sa tahu sa Mati City Information Office, gawas sa unom ka panimalay, laing tulo pa ka balay ang partially damaged.
18 ka pamilya ang apektado sa sunog nga paspas nga nadeklarang fire out sa kabumberohan sulod lamang sa kwarentay singko minutos.
Subay sa imbestigasyon sa Bureau of Fire Protection sa Mati, nag-overheat nga ceiling fan ang tinubdan sa sunog nga paspas usab nga mikatay ang kalayo sa kasikbit nga kabalayan nga gama sa light materials.
Walay nasamdan o namatay sa maong sunog samtang mubalor sa P210,000 ang nahimong danyos.
Kasamtangang nagtener sa evacuation center sa Baranga Central ang mga nasunugan.
Gihikay na sa lokal nga gobyerno ang paghatag ug tabang pinansyal sa mga nasunugan ingon man makadawat sab kini ug food packs gikan sa City Social Welfare and Development Office.
Ang mga pamilya nga totally damaged ang pinuy-anan, gilaumang makadawat sab ug balay gikan sa National Housing Authority. (By Ruth Palo)
Hulagway: Mati City Information Office
Facebook Conversations