Welder nga top 5 drug suspect sa rehiyon, sikop

Ruth Palo

Editor

posted on 4 years ago — updated on 1 second ago

611
views

Dakpan sa hiniusang pwersa sa drug enforcement unit sa kapulisan ang giingong Top 5 Regional Level Target drug personality sa gikasang anti-drug operation pasado alas 8 sa gabii Miyerkules (Abril 6) sa Ulas ni g syudad sa Davao.

Giila ang dinakpan nga si Palbrims Digami Lagaac Jr., 24 anyos, welder, lumulopyo sa Purok 40, Barangay Ulas, Davao City.

Nakuha gikan sa iyang posession ang kinatibuk-ang 25 gramos nga shabu nga mubalor sa P170,000, cellular phone, ug 29 kabook nga machined copy sa P1,000 nga boodle money.

Anaa na sa kustodiya sa Buhangin Police station ang suspek samtang giandam na ang kasong atubangon niini.

Sa pikas bahin, sikop usab sa laing operasyon niadtong Abril 5 ang usa ka drayber nga si Uziel Clyde Villanueva, 38-anyos nga taga-Barangay Manuel Guianga, Tugbok District tungod sa ilegal mga droga.

Nakuha gikan kaniya ang P4,000 kantidad sa shabu.

Balhog usab sa Tugbok Police Station si John Khool Albufera, 23 -anyos nga taga-Lizada, Toril tungod sa pagpayuhot ug ilegal nga droga.

Nakuhaan kini ug 0.08 gramo sa shabu nga mubalor sa singko mil pesos