Patay ang usa ka 25- anyos nga lalaki human mahulog sa gisakyang Isuzu Elf Truck alas 10 kaganihang buntag (Enero 28) sa Sta. Cruz, Davao del Sur.
Giila ang biktima nga si Kevin Batawan Damali, lumulopyo sa Sitio Kidagdagon, Barangay Tibulo, Sta. Cruz, Davao del Sur.
Migawas sa inisyal nga imbestigasyon nga ang biktima naglingkod sa atop sa sakyanan nga gimaneho ni Vergel Rasay Vallente, 30 anyos nga nagikan sa Sitio Kidaran Kapatagan, Digos City ug paingon sa Sitio Lower, Barangay Tibolo, Sta Cruz.
Nawad-an matod pa ug balanse ang biktima ug nisulay pa sa paggunit sa plastic drum apan way swerteng nahulog kini sa kalsada ug nabagok ang ulo sa semento nga nakaingon sa iyang kamatayon.
Anaa na sa kustodiya sa kapulisan ang driver.
Hulagway: PRO 11
Facebook Conversations