Dakpan sa hiniusang pwersa sa Philippine Drug Enforcement Agency (PDEA), National Bureau of Investigation (NBI), ug kapulisan atol sa buy-bust kagahapon sa hapon (Pebrero 4) ang giingong number 1 drug suspect sa Rehiyon Onse.
Giila ang dinakpan nga si Ron Joseph Juat alyas Ron, 25 anyos ug lumolopyo sa Barangay Pampanga ning syudad sa Davao.
Nakuha atol sa operasyon ang usa ka gramo sa gituhuang shabu, usa ka capsule nga gituhuang party drug nga mubalor sa P8,000.
Nakuhaan usab ang suspek ug lain pang pakete sa shabu, unom ka tabletas sa party drugs, laing upat ka capsule sa party drugs, ug duha kan plastic packs nga gikatahapang dahon sa marijuana.
Tingkagol sa prisuhan si Juat samtang gihikay ang kaso batok kaniya nga paglapas sa Republic Act 9165 o ang Comprehensive Dangerous Drugs Act of 2002.
Hulagway: PDEA 11
Facebook Conversations