Sa report ni 35th Infantry Battalion Commander Lieutenant Colonel Domingo S Robles Jr, nakadawat sila ug report gikan sa mga residente sa maong barangay labot sa Improvised Explosive device (IED) nga napalgan sa daplin sa kalsada.
Gilayong miresponde ang ilang tropa uban sa Explosive and Ordinance Division (EOD) ug K-9 teams, ug malampusong na-difuse ang IED pasado ala-una sa hapon.
Narekober sa kasundaluhan ang tulo 3 electric blasting caps,6 ka metrong speaker wire, 1 metrong detonating cord, usa ka galon nga ANFO (blue engine oil container), 12 volts motorcycle battery, 128 kabuok nga 4-inch nga lansang, ug 37 kabuok nga 2-inch 10mm steel bars.
Sumala pa ni 1102nd Infantry Brigade Commander Colonel Giovanni T Franza, gituhuan nga ang IED gituyo sa pagbutang daplin sa dalan aron pabuthan ang mga muagi nga sundalo ug sibilyan.
Gidayeg ni Joint Task Force – Sulu ug 11th Infantry Division Commander Brigadier General Ignatius N Patrimonio ang mga tropa sa paspas nga aksyon, dungan ang pagsiguro nga dili moundang ang militar sa paggukod sa mga responsable sa sulay nga terrorist attack.
Facebook Conversations