Kini ang gibutyag ni Palma sa dihang gipangunahan niini ang misa alang sa World Day of the Sick ug Kapistahan sa Birhen sa Lourdes sa Cebu Metropolitan Cathedral.
Sumala pa sa arsobispo, iyang responsibilidad isip lider sa archdiocese nga pahimangnuan si kinsa mang pari nga mosupak sa neutrality sa simbahang katoliko.
Ingon ni Palma, igo na nga magpagawas ug kinaiya sa kandidatong angayan ug di dapat botohan karong Mayo 9 nga piniliay.
Kahinumdumang nagpagawas ug pastoral letter ang Catholic Bishops’ Conference of the Philippines(CBCP) aron giyahan ang mga botanteng katoliko sa nasod.
Hugot nga gibawal ang pagkampanya sa mga pari apan gipamugos ni Palma nga responsibilidad usab sa simbahan nga isulong ang responsible voting subay na usab sa mensahe ug panawagan ni Pope Francis.
Kalakip sa angayang susihon sa matag botante ang personal nga kapasidad sa kandidato nga mamuno, ang iyang track record, ug ang programa o plataporma nga nagtakda sa direksyo sa iyang liderato.
Hulagway ni Cebu Archbishop Jose S. Palma sa dihang nanguna sa Holy Mass niadtong kasaulugan sa 65th parochial fiesta sa Feast of Our Lady of Lourdes, ang Archdiocesan Shrine of Our Lady of Lourdes sa Punta Princesa, Cebu City ning bag-uhay lamang. Hulagway gikan sa The Roman Catholic Archdiocese of Cebu
Facebook Conversations