Gikumpirma ni Supreme Court Associate Justice ug 2021 Bar Exams Chairman Marvic Leonen nga dunay pipila ka mga Bar Examinees ang gi-disqualify tungod sa paglapas sa "honor code."
Sumala pa ni Justice Leonen, nakadawat ug report ang Office of the Bar Chairperson nga dunay mga bar examinees nga midayon ug miadto gihapon sa mga local testing centers nga wala nagdeklara nga nag-positibo sila sa COVID-19.
Duna usay mga examinees nga nagpalusot ug mga mobile phones sa sulod sa examination rooms ug migamit ug social media sa lunch break samtang anaa sa sulod sa premises.
Giklaro Justice Leonen nga epektibo ang disqualification sa mga nadisqualify nga examinees alang sa 2021 bar examinations.
Samtang, gikanayon sa opisyal nga dunay 219 bar examinees ang wala naka-exam human nag-positibo sa COVID-19.
Luyo niini, nagpaabot gihapon sa iyang pagtimbaya si Justice Leonen sa mga nakahuman sa bar examinations.
Facebook Conversations