Patayng lawas sa babaye, napalgan sa baybayon sa Sta. Cruz, Davao del Sur

Sumala sa impormasyon, nakadawat ug report ang kapulisan sa Sta.Cruz Davao Del Sur, gikan sa mga sakop sa Philippine Coastguard  nga nagpahibalo sa pagkakaplag sa usa ka patay nga lawas.

Gilayon nga nagpahigayon ug imbestigasyon ang kapulisan ug nasayran nga  usa ka babae ang maong patay nga lawas, dunay gitas on nga lima ka tiil hangtud lima ka tiil ug duha ka pulgada ang gitas on ug gibana banaang gikan 25 hangtud 35 anyos ang pangidaron niini.

Dugang pa sa impormasyon nga ang maong patay nga lawas ang gipusasan sa liog ug kamot apil na ang tiil niini ug gitali kini sa sako sa semento nga dunay gibug aton ug mga 30 kilos.

Nakahiagum ug samad sa tiyan ug dunay agi sa binunalan sa ulo ang maong biktima.

Padayon pa karon ang imbestigasyon sa kapulisan aron mailhan ang pagkatao sa maong biktima, apil na ang motibo sa maong insidente. (BY RICHY NALAGON)