Milampos ang pagkalot sa mga bukog pinaagi sa pagpanguna ni Police Lieutenant Rodien Hormigas, team leader sa Revitalized Pulis Sa Barangay (R-PSB) Cluster 21, sa abag sa kasundaluhan ubos sa 25th Infantry Battalion, Provincial Mobile Force Company, ug mga opisyal sa Barangay.
Gibutyag ni Hormigas, gituhuang naalaang spy sa sundalo ang biktima hinungdan nga gipatay kini sa mga rebelde pinaagi sa pagpusil sa ulo tungod sa nakit-ang bangag sa bagol-bagol niini.
Gidala sa R-PSB ang nakalot nga mga bukog sa San Vicente Public Cemetery aron mahatagan ug disenteng lubong.
Nakaplagan ang gilubong nga patayng lawas pinaagi sa saysay sa usa ka kanhi sakop sa NPA nga nisurender ug mismong mga residente sa lugar nga giingong kampo sa NPA.
Nagpakita lamang kini sa aktibong kooperasyon ug pakig-alayon sa komunidad sa kapulisan aron isabwag ang kamangtas sa komunistang NPA.
Hulagway:PCAD Davao Region
Facebook Conversations