P1-M ganti sa makatudlo sa suspek nga nipatay,nilugos sa 28-anyos nga architect
P1-M ganti sa makatudlo sa suspek nga nipatay,nilugos sa 28-anyos nga architect
Nihanyag ug usa ka milyon ka pesos si Davao City First District congressman Paolo Duterte si kinsa man ang makatudlo sa suspek nga mipatay ug milugos sa 28-anyos nga architect nga si Vlanche Marie Bragas.

Si Bragas, lumulopyo sa Purok 18, Megaville, Calinan Poblacion  ning syudad sa Davao nakaplagan na lamang nga wa nay kinabuhi sa plantasyon sa saging sa Purok 6, Barangay Dacudao, Calinan, alas 8 sa buntag adlawng Miyerkules (Mayo 17).

Sa usa ka hamubong pahayag, gibutyag ni Duterte nga nasubo kini sa gidangatan sa biktima.

“Si Ms Vlance Marie Bragas, usa ka ordinaryong Dabawenyo nga adlaw-adlaw nakigbisug alang sa kaugmaon niya ug sa iyang pamilya,” pahayag ni Pulong.

Sumala pa sa Kongresista, aron masulbad ang kaso muhatag kini ug ganti sa makahatag impormasyon labot sa suspetsado.

“Alang sa kasulbaran aning krimen,ako uban sa tanang mga dabawenyo nga nangita ug hustisya para kay Miss Bragas nagahanyag sa kantidad nga 1 million pesos sa kung kinsa man nga tao nga makatudlo sa naghimu aning krimen kay Ms. Bragas,” gikanayon ni Duterte.

Nauna nang gimugna sa Police Regional Office (PRO) 11 ang Special Investigation Task Group (SITG) human gikonsiderang sensational ug heinous ang insidente.

Representative Paolo Duterte

What's your reaction?

Facebook Conversations