Subay sa tahu ni Pasay City Chief of Police Colonel Ceasar Padayos nga niabot sa Camp Crame, giila ang biktima nga si Randy Galaroza, 40 anyos, usa ka OFW nga residente sa Taytay Rizal.
Migawas sa inisyal nga pagsusi, hatdan unta ug pagkaon sa housekeeper sa Overseas Workers Welfare Administration (OWWA) nga si Emmanuel Trinidad ang biktima pasado alas-11 kagahapon sa buntag sa iyang kwarto sa CITADINE Bay City Manila, sa Mall of Asia (MOA) Complex Pasay sa dihang wala na kini nangabri ug purtahan.
Gilayon nga nangayo ug tabang si Trinidad sa mga empleyado sa hotel aron abrihan ang kwarto sa biktima.
Dinhi na nakita ang patayng lawas sa biktima nga nagbitay sulod sa shower sa iyang kuwarto.
Sa pagkakaron, padayong gisuta sa kapulisan ang insidente nga gituhuang suicide.
Facebook Conversations