Kini ang nahimong tema sa pakighiusa sa mga kawani sa Northern Davao Electric Cooperative (NORDECO) Incorporated sa pagsaulog karong bulan sa Marso sa National Women’s month.
Gisugdan sa NORDECO ang selebrasyon pinaagi sa gilusad nga Thanksgiving mass sa Apokon Chapel, Tagum City, Davao del Norte niadtong Marso 4.
Human sa misa, mitambong ang mga kababainhang empleyado sa NORDECO sa usa ka virtual get-together nga gipasiugdahan sa PHILRECA.
“Everyone are queens in their own right, remember that you are all intelligent, courageous, and one-of-a-kind,” matod pa ni Attorney Janeene Depay-Colingan, PHILRECA Executive Director ug General Manager.
Abante, babae, ingon pa sa opisyal isip pagdasig sa mga kababaihan nga muabante taliwala sa mga pagsulay sa kinabuhi.
Samtang niadtong Biyernes (Marso 11), lain na usab nga panagtapok sa mga kababainhan ang gipahigayon sa NORDECO agig paghatag importansya sa papel sa mga babae diha sa usa ka komunidad.
Sa webinar forum nga may titulong, “How to Address and Prevent Sexual Harassment in the World of Work”, nahimong resource speaker niinin mao ang deputy chief of police sa Tagum City nga mao usab ang hepe sa Women’s Childrens Protection Desk (WCPD) Police Major Anjanette Tirador.
Nahimong highlight sa mensahe ni Tirador, “the first line of defense to protect ourselves is kita mismo.”
Isip hepe sa WCPD, gihisgutan usab niini atol sa webinar ang mga balaod batok sa sexual harassment nga maoy sagad matala nga kaso sa hisgutanang pagpangabuso sa mga kababaihan.
Gituki usab ni Tirador ang mga katungod nga dapat mahibaw-an sa matag usa ka babae.
Giila ug gidayeg sa tagdumala sa NORDECO ang kamahinungdanon sa mga kababaihan sa paggahin ug oras ug paningkamot niini nga matubag ang panginahanglan sa ilang mga Member-Consumer-Owners .
Dugang pag-ila sa NORDECO sa mga kababaihan isip suga dili lamang sa ilang tagsa-tagsa ka panimalay kon dili sa tibuok rural electrification.
Hulagway: NORDECO, INC.
Facebook Conversations